“Zirə” kubokda 25-ci qələbəsini qazandı

Futbol üzrə Azərbaycan Kubokunun 2025/2026-cı illər mövsümünün yarımfinal mərhələsinin ilk oyunu “Zirə” üçün əlamətdar olub.

Arena.az bu barədə Peşəkar Futbol Liqasının (PFL) rəsmi saytına istinadən xəbər verir.

Belə ki, səfərdə “Turan Tovuz”a 2:0 hesabı ilə qalib gəlmiş Bakı klubu turnirdə 25-ci qələbəsini qazanıb.

Paytaxt təmsilçisi kubokdakı 43-cü qarşılaşmada “25”ə çatıb. “Zirə” keçirdiyi matçların 58,14 faizində qalib gəlib. Evdə 13 dəfə qələbə qazanmış komanda səfərdə 12-ci dəfə sevinib. Bununla da “qartallar” Azərbaycan Kubokunun tarixində 25 və daha çox görüşdə qalib gəlmiş 9-cu komanda olub.

Qeyd edək ki, “qartallar” kubokda ilk qələbəsini 2015/2016-cı illər mövsümünün 1/8 final mərhələsində – 2015-ci il dekabrın 2-də AZAL-a qarşı səfər görüşündə əldə edib – 2:1.