Təl-Əvivdə müharibə əleyhinə etiraz zorla dağıdılıb
4 aprel axşamı təhlükəsizlik qüvvələri İranla müharibə fonunda Təl-Əvivdəki Habima meydanında keçirilən müharibə əleyhinə mitinqi dağıdıb.
Moderator.az "TSN"-ə istinadla xəbər verir ki, bu barədə "Haaretz" qəzeti məlumat yayıb.
Hadisə İsrail Ali Məhkəməsinin etirazın iştirakçıların sayının 600-dən çox olmaması şərti ilə davam etməsinə icazə verən müvəqqəti qərarına baxmayaraq baş verib.
Polisin məlumatına görə, bu limit aşılıb, bundan sonra etiraz "qanunsuz toplantı" elan edilib və dağıdılma başlayıb.
Hüquq-mühafizə orqanlarının əməkdaşları digər tədbirlərlə yanaşı, atlı polisdən istifadə edərək etirazçıları meydandan geri itələməyə başlayıblar.
Bundan bir müddət əvvəl məhkəmə digər şəhərlər üçün də məhdudiyyətlər tətbiq edib: Qüds, Hayfa və Kfar-Sabidə 150 nəfərə qədər toplantıya icazə verilib. Bu qərar hərbi vəziyyət çərçivəsində təhlükəsizlik qüvvələri tərəfindən tətbiq edilən daha sərt məhdudiyyətlərə etiraz edən fəalların apellyasiya şikayətinə cavab olub.
Nəşrin və "Standing Together" ("Birlikdə dik durmaq")hərəkatının fəallarının məlumatına görə, etiraz təşkilatçılarından biri olan Alon-Li Qrin saxlanılanlar arasında olub.
Həbs olunmazdan əvvəl o, iştirakçılara meqafonla müraciət edib.
Qrin bildirib ki, "Qanunsuz nümayişlər olmur".
O həmçinin etirazçıların "sonsuz müharibə yetər" demək üçün çıxdığını vurğulayıb.
İsraildə müharibə əleyhinə etirazlar İranla müharibə səbəbindən daxili gərginliyin artması fonunda keçirilir.
S.Laçın
