Türkiyədə 2-ci liqanın “Bursaspor” – “Mardinspor” qarşılaşmasında qadın yan xətt hakimi Esra Arıkboğa xoşagəlməz hadisə ilə üzləşib.
QOL.a bu haqda Türkiyə mənbələrinə istinadən məlumat yayıb.
Epizod zamanı “Mardinspor”lu Mehmet Maniş və “Bursaspor”un kapitanı İlhan Depe top uğrunda mübarizə apararkən hakim arada qalıb və yerə yıxılıb.
Arıkboğa qısa müddət sonra özü ayağa qalxsa da, hər iki futbolçunun ona kömək etməməsi sosial şəbəkələrdə narazılıqla qarşılanıb və idman etikası baxımından tənqid olunub.
Həmin vaxt futbolçulardan heç birinin üzrxahlıq etmədiyi bildirilir.
