İran Silahlı Qüvvələri ölkə ərazisində qəzaya uğramış “F-15E” qırıcısının ikinci pilotunun xilasetmə əməliyyatında iştirak edən ABŞ-yə məxsus daha bir “C-130 Hercules” nəqliyyat təyyarəsini vurduğunu iddia edib.Bu barədə İranın “Xatəm əl-Ənbiya” Hərbi Komandanlığının rəsmisi İbrahim Zülfəqari məlumat verib.
Onun sözlərinə görə, aparılan araşdırmalar nəticəsində İslam Respublikası ordusunun hücumları ilə ABŞ-yə məxsus ümumilikdə iki “C-130” hərbi nəqliyyat təyyarəsi və iki “Black Hawk” helikopteri vurulub.
