ain.az bildirir, Bizim media saytına əsaslanaraq.
Cici Hadid mərhum maliyyəçi Cefri Epşteynlə bağlı məxfilikdən çıxarılan sənədlərdə özünün və bacısı Bella Hadidin adının çəkilməsindən sonra məsələ ilə bağlı açıqlama verib. Bizim.Media xəbər verir ki, bu barədə People və E! News nəşrləri yazıb.
Qeyd edilib ki, 2015-ci ilə aid elektron məktubda adı gizlədilən bir şəxs Epşteyndən Hadid bacılarının necə model olduqlarını və necə bu qədər pul qazandıqlarını soruşub. Epşteyn isə cavabında onların “göstərişləri yerinə yetirdiklərini” yazıb.
Sənədlər dərc edildikdən sonra sosial şəbəkə istifadəçilərindən biri Cici Hadidin paylaşımının altında onun bu mövzuda susmasına görə modelin izləmədən çıxdığını yazıb. Hadid buna cavab olaraq indiyədək niyə danışmadığını izah edib.Onun sözlərinə görə, heç vaxt rastlaşmadığı bir insanın onun haqqında bu cür danışdığını, özü də belə bir kontekstdə oxumaq “dəhşətlidir”. Model bildirib ki, əvvəlcə bununla bağlı danışmayıb, çünki diqqəti əsl qurbanların hekayələrindən yayındırmaq istəməyib. Lakin sonradan bunun aydın ifadə edilməsinin vacib olduğunu anlayıb.Hadid vurğulayıb ki, həmin sənədlərdə adı hallanan dövrdə onun təxminən 20–21 yaşı olub və bu fakt onu narahat edir. O, qəti şəkildə bəyan edib ki, “bu iyrənc insanla” heç vaxt heç bir əlaqəsi olmayıb. Bəzi nəşrlər modelin bu vəziyyətin onu “ürəyi bulanacaq dərəcədə” narahat etdiyini də yazır.Cici Hadid həmçinin imtiyazlı şəraitdə böyüdüyünü qəbul edib, lakin valideynləri Məhəmməd Hadid və Yolanda Hadidin onu qoruduğunu və əməyin dəyərini aşıladığını bildirib. O xatırladıb ki, 2012-ci ildə agentliklə müqavilə imzaladıqdan sonra karyerasını öz zəhməti ilə qurub və qazandığı hər an üçün çox çalışıb.Bizim.Media
Ən son xəbərləri və yenilikləri almaq üçün ain.az saytını izləyin.
