Fransanın Lyon şəhərində keçirilən One Health Dünya Sammiti çərçivəsində Ümumdünya Sağlamlıq Təşkilatı (ÜST) heyvan, bitki və insan sağlamlığının balansı mövzusunda film nümayişi və müzakirə tədbiri təşkil edir. Tədbir 6 aprel saat 11:30–13:30 arasında UGC kinoteatrında keçiriləcək.

Tədbirdə 2020-ci ildən bəri Health for All Film Festival (HAFF) tərəfindən seçilmiş 8 qısa film nümayiş olunacaq. Filmlər qida üçün bioloji müxtəliflik, hava, su və torpaq çirkliliyi, iqlim dəyişikliyinin insan və təbiətə təsiri, eləcə də zoonoz xəstəliklər və antibiotik müqaviməti kimi mövzuları əhatə edir.

Göstərimdən sonra iştirakçılar panel müzakirəsində iştirak edərək, filmlərin təhsil vasitəsi kimi istifadəsi, müxtəlif auditoriyalara effektiv mesaj çatdırma yolları və One Health prinsiplərinin öyrədilməsi mövzusunda fikir mübadiləsi aparacaqlar.

Tədbir həm yerli icma, həm də Sammit iştirakçılarına açıqdır və iştirak pulsuzdur. Tədbirdə həmçinin qonaqlar üçün kiçik qonaqlıq təşkil olunacaq. Filmlər qısa – 3–8 dəqiqəlik formatda olduğundan təhsil və ictimai tədbirlər üçün əlverişlidir və HAFF YouTube kanalında da təqdim olunur.

aia.az
Tərcümə şöbəsi

• Müzakirə
• Təhsil
• Film
• Tədbir
• One Health