İran ABŞ və İsraillə müharibəyə son qoymaq üçün 10 bəndlik təklif təqdim edib.
"Yeni Sabah" The New York Times-a istinadla xəbər verir ki, plan danışıqlarda vasitəçilik edən Pakistan vasitəsilə çatdırılıb.
Təklifin bütün 10 bəndi məlum deyil, lakin iki yüksək vəzifəli İran rəsmisinin sözlərinə görə, İran tələb edir: bir daha hücuma məruz qalmayacağına dair zəmanət; bütün sanksiyaların ləğvi və İsrailin Livanda "Hizbullah"a qarşı hücumlarına son qoyulması.
Əvəzində İran Hörmüz boğazının blokadasına son qoyacaq və hər gəmiyə 2 milyon dollar vergi tətbiq edəcək ki, bu da qarşı sahildə yerləşən Omanla bölüşüləcək.
İran əldə etdiyi gəlirdən öz payını ABŞ və İsrail hücumları nəticəsində zədələnmiş infrastrukturun bərpasına sərf edəcək. Bu yanaşma birbaşa kompensasiya tələb etmək əvəzinə təklif olunur.
İran dövlət mediası aydınlaşdırıb ki, ölkələrinin təklifinin mətni "atəşkəs rejimini rədd edir" və "İranın istəklərinə uyğun olaraq müharibəyə qəti son qoyulmasına ehtiyac olduğunu vurğulayır".
Telegram kanalımız
