İsrailin müxalifət lideri Yair Lapid atəşkəsə reaksiya verərək İsrailin Baş naziri Benyamin Netanyahunun "siyasi cəhətdən uğursuz" olduğunu bildirib.
Sitat.info xəbər verir ki, bu barədə Lapid X-də yazıb.
"Tariximizdə heç vaxt belə bir siyasi fəlakət olmayıb. Milli təhlükəsizliyimizin əsası ilə bağlı qərarlar qəbul ediləndə İsrail hətta danışıqlar masasında da deyildi. Ordu ondan tələb olunan hər şeyi yerinə yetirdi, ictimaiyyət heyrətamiz dözümlülük nümayiş etdirdi, lakin Netanyahu siyasi cəhətdən uğursuz oldu, strateji cəhətdən uğursuz oldu və özünün qoyduğu məqsədlərdən heç birinə çata bilmədi. Netanyahunun təkəbbür, səhlənkarlıq və strateji planlaşdırmanın olmaması səbəbindən vurduğu siyasi və strateji ziyanı bərpa etmək üçün illər lazım olacaq", - deyə o əlavə edib.
Aytac,
Sitat.info
