Rusiya Vinnitsa vilayətində tanınmamış Dnestryanı tərəfində qondarma "neytral ərazi " yaratmağı planlaşdırır. Bu barədə Prezident Aparatının rəhbərinin müavini Pavlo Palisa RBC-Ukraine-ya verdiyi müsahibədə bildirib.
Onun sözlərinə görə, bu il onların əsas diqqəti Donbasa yönələcək. "Əlverişli şərait yaradıldığı təqdirdə, onlar cənub istiqamətində - yəni Oleksandrivka və bütün Zaporojye istiqamətində səylərini inkişaf etdirəcək və artıracaqlar", - deyə Palisa bildirib.
Prezident Aparatı rəhbərinin müavini Rusiyanın hələ də Xarkov, Sumı və Çerniqov vilayətlərində sözdə "neytral ərazi" yaratmağı, Zaporojye və Xerson vilayətlərini ələ keçirmək cəhdi üçün şərait yaratmağı və uzunmüddətli perspektivdə Nikolayev və Odessa vilayətlərini işğal etməyi planlaşdırdığını vurğulayıb.
“Bundan əlavə, onların planlarına hətta tanınmamış Dnestryanı tərəfində Vinnitsa bölgəsində “neytral zona”nın yaradılması ilə bağlı bənd də daxildir. Bu, onların ilk dəfədir ki, belə planlar hazırladıqlarıdır. Açığı, panikaya ehtiyac yoxdur, çünki hazırda onların bütün bu planları həyata keçirmək üçün gücünə malik olduğunu görmürəm”, - deyə Palisa vurğulayıb.
Əziz MUSTAFA
