İsrailin eks-baş naziri Yair Lapid, ABŞ və İran arasında atəşkəs sazişinin bağlanmasından sonra hazırkı baş nazir Benyamin Netanyahunun siyasətini kəskin tənqid edib.
Azreform.info -ın məlumatına görə, o bu barədə "X" sosial şəbəkəsində yazıb.
"Bütün tariximiz boyu belə bir siyasi fəlakət olmayıb. Milli təhlükəsizliyimizin nüvəsinə aid qərarlar qəbul edilərkən İsrail heç masa arxasında belə deyildi.
Hərbçilər onlardan tələb olunan hər şeyi yerinə yetirdilər, xalq inanılmaz dözümlülük nümayiş etdirdi, lakin Netanyahu siyasi uğursuzluğa düçar oldu, strateji məğlubiyyətə uğradı və özünün qarşıya qoyduğu hədəflərin heç birinə nail ola bilmədi.
Netanyahunun təkəbbürü, səhlənkarlığı və strateji planlaşdırmanın olmaması ucbatından vurduğu siyasi və strateji ziyanı bərpa etmək üçün bizə illər lazım olacaq", – deyə Lapid bəyan edib.
