Füzuli Rayon Polis Şöbəsi əməkdaşlarının keçirdikləri əməliyyat nəticəsində narkotiklərin qanunsuz dövriyyəsini təşkil etməkdə şübhəli bilinən Telman Nəsirov və Elşad Məhərrəmov saxlanılıblar.
Senzor.az bildirir ki, bu barədə Daxili İşlər Nazirliyindən məlumat verilib.
Qeyd olunub ki, onlara məxsus nəqliyyat vasitəsindən 15 kiloqram marixuana və 2 970 ədəd psixotrop tərkibli metodon həbi aşkarlanıb. Saxlanılan şəxslərin müxtəlif İran vətəndaşları ilə cinayət əlaqəsinə girərək narkotikləri gizlədilən yerlərdən götürmək və müxtəlif ünvanlara yerləşdirməklə qazanc əldə etmək istədikləri məlum olub.
Faktla bağlı cinayət işi başlanılıb, adıçəkilən şəxslər barəsində məhkəmənin qərarı ilə həbs qətimkan tədbiri seçilib.
Araşdırma aparılır.
