525.az portalından əldə olunan məlumata əsasən, ain.az xəbər verir.
Bir vaxtlar İtaliyanın faşist diktatoru, faşizm ideologiyasının yaradıcısı, 1922–1943-cü illər arasında İtaliyanı idarə etmiş Benito Mussoliniyə məxsus olmuş villa növbəti dəfə hərracda satılıb.
525.az xarici KİV-ə istinadən xəbər verir ki, tikili yerləşdiri Riççone şəhərinin meriyası tərəfindən 1,2 milyon avroya alınıb.
Buna kimi villa "Rimini's Cassa di Risparmio" bankına məxsus idi. Son 20 ildə orada rəsm sərgiləri təşkil olunur, müxtəlif ictimai tədbirlər, hətta toy mərasimləri keçirilirdi. Riççone meri Daniela Anjelini bundan sonra da villanın eyni məqsədlər üçün istifadə olunacağını bildirib.
Qeyd edək ki, Mussolini 19-cu əsrin sonlarında Adriatik dənizi sahillərində tikilən villanı 1934-cü ildə almışdı. 2-ci Dünya müharibəsindən sonra isə dövlətin mülkiyyətinə keçmişdi.
L.Tağıyeva
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
