ABŞ Dövlət Departamenti Ukrayna təhlükəsizlik qüvvələrinə narkotik qaçaqmalçılığı ilə mübarizə aparmaq üçün gizli kilidləri sındırmaq və nəqliyyat vasitələrinə daxil olmağa imkan verən avadanlıq almaq niyyətindədir.
Herbiand.az bildirir ki, bu barədə RIA Novosti agentliyi hökumət sənədlərini nəzərdən keçirdikdən sonra məlumat əldə edib.
Sorğu Beynəlxalq Narkotiklər və Hüquq-mühafizə İşləri Bürosu tərəfindən təqdim edilib. Məqsəd, ABŞ-ın özü də daxil olmaqla, təhdid hesab etdiyi sintetik narkotik istehsal edən transmilli şəbəkələrə qarşı mübarizə aparmaqdır.
Avadanlıqlara avtomatik kilidlər üçün dekoderlər, avtomobillərin açarsız açılmasına və işə salınmasına imkan verən kod tutucuları və retranslyatorlar, eləcə də Toyota, Lexus, Kia, Hyundai və Mercedes üçün elektron açarları klonlaşdıran cihazlar daxildir.
ABŞ avadanlığı aldıqdan sonra onu Ukrayna Milli Polisi və Dövlət Sərhəd Xidmətinə təmənnasız verəcək.
Bəxtiyar CƏFƏRLİ
