İspaniya çempionatı matçları Mərakeşdə keçirilə bilər.
QOL.az xəbər verir ki, La Liqa prezidenti Xavyer Tebas İspaniya çempionatı matçlarının Mərakeşdə keçirilməsi ideyasının real olduğunu bildirib.
O, ölkədə böyük azarkeş kütləsinin və logistik imkanların bu planı mümkün etdiyini vurğulayıb. Tebas xüsusilə Kasablankada inşa olunan yeni stadionda oyun keçirmək imkanlarını da yüksək qiymətləndirib.
Qeyd edək ki, daha əvvəl La Liqa matçlarının ABŞ-də keçirilməsi planı futbolçuların etirazı səbəbindən baş tutmayıb. Kasablankadakı 115 minlik stadionun isə 2028-ci ildə istifadəyə verilməsi nəzərdə tutulur.
