ABŞ prezidenti Donald Trampın Amerika qoşunlarının Avropadan çıxarılması ilə bağlı təhdidlərinə diqqət yetirməyə dəyməz...
Poliqon xəbər verir ki, bunu Finlandiyanın Baş naziri Petteri Orpo NATO-nun Baş katibi Mark Rüttenin Vaşinqtona səfərindən sonra bildirib.
"Son bir ildə və ya daha çox müddətdə bunu dəfələrlə görmüşük: Trampın çıxışları, təhdidləri kimi, həqiqətən də sərtdir. Eyni zamanda, ABŞ Avropada qalmaqda son dərəcə maraqlıdır", deyə Orpo bildirib.
Finlandiya Baş naziri həmçinin ABŞ-ın NATO-dan çıxıb-çıxmaması barədə yalnız Konqresin qərar verə biləcəyini təkrarlayıb.
Daha əvvəl bildirilirdi ki, Donald Tramp NATO-nun Baş katibi Mark Rütte ilə qapalı görüşdə müttəfiqləri kəskin tənqid edib və İran ətrafındakı vəziyyətlə bağlı mövqelərindən narazılığını bildirib. Mənbələr bildirib ki, ABŞ prezidenti Avropa ölkələrindən dəstəyin olmaması fonunda cavab tədbirləri görməyi düşündüyünü bildirib.
Poliqon.info
