ain.az xəbər verir, Qaynarinfo saytına əsaslanaraq.
ABŞ prezidenti Donald Trampın həyat yoldaşı Melania Tramp qalmaqallı maliyyəçi Ceffri Epşteynlə ilə bağlı iddialara ilk dəfə açıq şəkildə münasibət bildirib. Ağ Evdə kameralar qarşısına keçən Melania Tramp yayılan xəbərlərin əsassız olduğunu bəyan edib.
Qaynarinfo xəbər verir ki, Melania Tramp yaçıqlamasında Epşteyn ilə hər hansı əlaqəsinin olmadığını və onun törətdiyi cinayətlərdən xəbərsiz olduğunu vurğulayıb.
O bildirib ki, haqqında yayılan məlumatlar həqiqəti əks etdirmir və məqsəd onun nüfuzuna xələl gətirməkdir:
"Məni Epşteynlə bağlayan yalanların bu gün bitməsi lazımdır. Haqqımda yalan danışan şəxslər etik standartlardan, təvazökarlıqdan və hörmətdən uzaqdır. Onların cahilliyinə etiraz etmirəm, lakin nüfuzuma zərbə vurmağa yönəlmiş bu pis niyyətli cəhdləri qətiyyətlə rədd edirəm”.
Melania Tramp həmçinin ABŞ Konqresini Epşteyn işində zərərçəkənlərin mərkəzdə olduğu açıq dinləmələrin keçirilməsinə çağırıb.
O əlavə edib ki, Epsteyn ilə heç vaxt dost olmayıb və onunla heç bir əlaqəsi olmayıb:
"Mən Epşteynin qurbanı deyiləm. Məni Donald Tramp ilə Epşteyn tanış etməyib. Həyat yoldaşımla 1998-ci ildə Nyu-Yorkda keçirilən bir tədbirdə təsadüfən tanış olmuşam”.
Xatırladaq ki,Cefri Epşteyn azyaşlı qızlara qarşı cinsi istismar və fahişəlik şəbəkəsi qurmaq ittihamları ilə həbs edilmiş və 10 avqust 2019-cu ildə Manhattan Metropolitan Correctional Center həbsxanasındakı kamerasında ölü tapılmışdı.
Günay
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
