Latviya Müdafiə Nazirliyi yerli istehsal olunan yerüstü robotların tədarükü və Milli Silahlı Qüvvələrdə eksperimental tətbiqinə dair “Brasa Defence Systems”, “Natrix” və “LV-Teh” şirkətləri ilə müqavilələr imzalayıb.
“Poliqon”un xəbər verir ki, bu barədə Latviya Müdafiə Nazirliyi məlumat yayıb.
Latviyanın müdafiə naziri Andris Spruds bildirib ki, yerli şirkətlər uzaqdan idarə olunan yerüstü robotlarla bağlı Milli Silahlı Qüvvələrin ilkin tələblərinə uyğun innovativ texnoloji həllər hazırlayıblar.
Onun sözlərinə görə, Latviyada hazırlanmış yerüstü robot sistemlərinin sınaqları üzrə məqsədyönlü işlər konkret nəticələr və tədarük müqavilələrinin bağlanması ilə yekunlaşıb.
İmzalanmış müqavilələr yerüstü robotların mərhələli şəkildə Milli Silahlı Qüvvələrin müxtəlif bölmələrinə inteqrasiyasını, həmçinin bu sistemlərin istehsalçıları ilə sıx əməkdaşlığı nəzərdə tutur. Əsgərlərin bu sistemlərlə praktiki təcrübəsinə və Rusiya-Ukrayna müharibəsi zamanı əldə olunan nəticələrə əsaslanaraq, istehsalçılar platformaları operativ şəkildə mövcud tələblərə uyğunlaşdıracaqlar.
Bundan əlavə, müqavilə çərçivəsində Milli Silahlı Qüvvələrə texniki dəstək, təmir və modernizasiya xidmətləri də təqdim olunacaq.
