ain.az, Redaktor.az saytından verilən məlumata əsaslanaraq xəbər yayır.
Ukrayna bu yaz “Drujba” neft kəmərinin təmirini başa çatdırmağı planlaşdırır.
Redaktor.az xəbər verir ki, bu barədə Ukrayna Prezidenti Volodimir Zelenski jurnalistlərə açıqlamasında bildirib.
Zelenskinin sözlərinə görə, təmir işləri başa çatdıqdan sonra Rusiyanın mümkün hücum risklərinə baxmayaraq, neft tranziti bərpa olunacaq.
O qeyd edib: “Əgər neft tədarükü müqabilində Avropa maliyyələşməsi məsələsi davam edərsə, biz ‘Drujba’ boru kəmərinin təmiri üçün konkret vaxt çərçivəsi müəyyən etmişik. Təchizat üçün məsuliyyət avropalıların üzərinə düşəcək”.
Prezident vurğulayıb ki, Ukrayna bu layihəni mövcud razılaşmalara əsasən həyata keçirir və işlərin böyük hissəsi artıq tamamlanıb: “Biz bunu bu yaz bitirəcəyik”.
Zelenski həmçinin bildirib ki, zədələnmiş su anbarlarının sürətli bərpası mümkün deyil və hazırda əsas diqqət tranzitin bərpasına yönəlib.
O əlavə edib ki, Rusiyanın gələcəkdə bu infrastruktur obyektinə hücum edib-etməyəcəyi hələ məlum deyil.
Aminə ŞAHSUVARQIZI
Ən son xəbərləri və yenilikləri almaq üçün ain.az saytını izləyin.
