ain.az, Azertag saytından verilən məlumata əsaslanaraq xəbər yayır.
Paris, 11 aprel, AZƏRTAC
Qiymətləndirmə agentliyi Moody’s Fransa dövlətinin suveren reytinqini Aa3 səviyyəsində saxlayıb və reytinqin perspektivini “mənfi” olaraq təsdiqləyib.
AZƏRTAC xəbər verir ki, bu, ölkənin borcunun hələ də yüksək hesab edildiyini göstərir. Qeyd edək ki, 2025-ci ilin oktyabrında “Moody’s” Fransa reytinqini Aa3-də saxlamış, lakin perspektivi “stabil”dən “mənfi”yə endirmişdi.
Agentliyin açıqlamasında bildirilir ki, Lökornü hökuməti ilə əldə olunmuş büdcə razılaşması və 2026-cı ildə dövlət büdcəsi kəsirinin azacıq azalması proqnozda müsbət amillər kimi qiymətləndirilir. “Moody’s” qeyd edir ki, siyasi baxımdan parçalanmış fransız parlamenti daxilində sol-mərkəz və sağ-mərkəz arasında əldə olunan büdcə razılaşması Fransa institutlarının möhkəmliyinə və idarəetmə keyfiyyətinə dair qiymətləndirməni gücləndirir.
Agentlik həmçinin vurğulayıb ki, 2026-cı ildə proqnozlaşdırılan büdcə kəsiri 5% təşkil edəcək. Bu da əvvəlki proqnoza görə 5,2% olan ÜDM nisbətindən azdır. “Moody’s” bu iki amili Fransanın ödəmə qabiliyyəti üçün müsbət hesab edir.
Sonrakı hadisələr barədə daha çox məlumat almaq üçün ain.az saytını izləyin.
