Paytaxtın Dənizkənarı Milli Parkında xoşagəlməz hadisə baş verib.
Musavat.com-un məlumatına görə, parkın müxtəlif hissələrində yerləşən gül sahələri naməlum şəxslər tərəfindən dağıdılıb. Əraziyə əkilmiş güllərə ciddi ziyan vurulub, xüsusilə lalələr kökündən qoparılaraq məhv edilib.
Şahidlərin sözlərinə görə, bir müddət əvvəl baxımlılığı və rəngarəngliyi ilə seçilən bu ərazi hazırda baxımsız və dağıdılmış vəziyyətdədir. Bu hal həm paytaxt sakinlərinin, həm də şəhərə gələn qonaqların narazılığına səbəb olub.
Şahanə Rəhimli
Musavat.com
