Ötən gün Misli Premyer Liqasının 27-ci turunda keçirilən “Turan Tovuz” – “Sumqayıt” (2:1) oyununda maraqlı anlar yaşanıb.
KONKRET.az “Qafqazinfo”ya istinadən xəbər verir ki, arenanı kabab tüstüsü bürüyüb.
Arenanın yaxınlığında yerləşən restoranlarda bişirilən kababın tüstüsü meydançanın bəzi hissələrini görünməz hala gətirib.
Qarşılaşmanın şərhçisi Gündüz Abbaszadə də buna biganə qalmayıb. O, kababın tüstüsü ilə yanaşı iyinin stadionu bürüdüyünü bildirib.
