Bəhreyn Xarici İşlər Nazirliyi İraqın müvəqqəti işlər vəkilini çağırıb.
Bakıvaxtı.az xəbər verir ki, səbəb kimi İraq ərazisindən Bəhreynə və Körfəz Əməkdaşlıq Şurasına daxil olan digər ölkələrə qarşı davam edən PUA hücumları göstərilib.
Bəhreyn rəsmi etiraz notası təqdim edib və İraqdan bu təhlükəli addımlara qarşı dərhal və məsuliyyətli şəkildə cavab verməsini tələb edib.
Nazirlik bəyan edib ki, Bəhreyn öz təhlükəsizliyini və sabitliyini qorumaq üçün lazım olan bütün tədbirləri görmək hüququnu saxlayır.
