Yeni Azərbaycan Partiyası (YAP) İmişli rayon təşkilatı və “İmişli Rayon Mərkəzi Xəstəxanası” publik hüquqi şəxsin birgə təşkilatçılığı ilə akademik Zərifə Əliyevanın anım gününə həsr olunmuş tədbir keçirilib. Tədbirdə Milli Məclisin deputatı Səyyad Aran, YAP İmişli rayon təşkilatının sədri Səfa Ağayev, İmişli Rayon Mərkəzi Xəstəxanasının direktoru Şahin Qurbanov, tibb işçiləri və partiya fəalları iştirak ediblər.
Əvvəlcə Ümummilli Lider Heydər Əliyevin, akademik Zərifə Əliyevanın və Azərbaycanın ərazi bütövlüyü uğrunda canlarını fəda etmiş şəhidlərin xatirəsi bir dəqiqəlik sükutla yad olunub.
Tədbiri giriş sözü ilə açan YAP İmişli rayon təşkilatının sədri Səfa Ağayev görkəmli oftalmoloq-alim, akademik Zərifə Əliyevanın həyat və fəaliyyətindən bəhs edib. Qeyd olunub ki, onun Azərbaycanda oftalmologiya elminin inkişafına verdiyi töhfələr əvəzsizdir. Bildirilib ki, akademikin ən böyük xidmətlərindən biri də Prezident İlham Əliyevin formalaşmasında oynadığı mənəvi və ailəvi rol olmuşdur.
Milli Məclisin deputatı Səyyad Aran çıxışında Zərifə Əliyevanı peşəkar həkim və ictimai xadim kimi yüksək dəyərləndirib. Onun insanlara göstərdiyi qayğı, humanist yanaşma və tibb sahəsindəki xidmətlərinin cəmiyyət üçün böyük əhəmiyyət daşıdığı vurğulanıb.
“İmişli Rayon Mərkəzi Xəstəxanası” publik hüquqi şəxsin direktoru Şahin Qurbanov çıxışında qeyd edib ki, 1981-ci ildə akademik Zərifə Əliyeva oftalmologiya sahəsində apardığı elmi tədqiqatlara görə SSRİ Tibb Elmləri Akademiyasının M.İ.Averbax adına mükafatına layiq görülmüş və bu mükafata layiq görülən ilk qadın olmuşdur.
Daha sonra çıxış edən həkimlər İlkin Quliyev, Niyaməddin Abdullayev və Zeynab İsmayılova bildiriblər ki, Zərifə Əliyeva öz peşəkarlığı, humanist keyfiyyətləri və elmi fəaliyyəti ilə Azərbaycan tibb elminə böyük töhfələr verib, xalqın dərin hörmətini qazanıb.
- Ночной Режим
- Домашняя страница
- Статистика
- Источники
- Рейтинг
- Погода
- Валюта
