RTL və NTV tərəfindən aparılan sorğuya görə, Almaniya vətəndaşlarının rekord həddə - 80%-i kansler Fridrix Merzin fəaliyyətindən narazıdır.
HİT.az xəbər verir ki, sorğuya görə, almanların yalnız 18%-i hazırkı kanslerin fəaliyyətindən razıdır. Bu arada, on respondentdən səkkizi onun hökumət başçısı kimi fəaliyyətindən narazılığını bildirib.
2026-cı il aprelin 7-dən 13-dək aparılan sorğuda 2502 respondent iştirak edib. Tədqiqatın müəllifləri 2,5 faizlik səhv həddini bildirirlər.
Fevral ayında Merz 2029-cu ildə keçiriləcək növbəti parlament seçkilərində Xristian Demokrat İttifaqı və Xristian Sosial İttifaqı (CDU/CSU) adından yenidən kansler vəzifəsinə namizədliyini irəli sürmək planlarını açıqlayıb. O, Almaniya kabinetinə "daha uzun müddət" rəhbərlik etmək niyyətində olduğunu bildirib.
Samir
