ain.az, Apa.az portalına istinadən məlumat verir.
Qlobal fond bazarlarında əsas indekslər fərqli istiqamətdə dəyişib.
“APA-Economics” xəbər verir ki, ABŞ-da Dow Jones indeksi 0,15% azalaraq 48 463,72 bəndə enib, NYSE Composite indeksi isə 0,26% azalaraq 22 955,57 bəndə düşüb. Bununla belə, S&P 500 indeksi 0,80% artaraq 7 022,95 bəndə, Nasdaq Composite indeksi isə 1,59% artaraq 24 016,02 bəndə çatıb.
Avropada Euro Stoxx 50 indeksi 0,74% azalaraq 5 940,34 bənd, FTSE 100 indeksi 0,47% azalaraq 10 559,58 bənd, CAC 40 indeksi 0,64% azalaraq 8 274,57 bənd, IBEX 35 indeksi 0,55% azalaraq 18 185,80 bənd səviyyəsinə enib, DAX indeksi isə 0,09% artaraq 24 066,70 bənd olub.
Asiya-Sakit okean regionunda isə əsasən artım qeydə alınıb. Nikkei 225 indeksi 2,12% artaraq 59 365,29 bənd, TOPIX indeksi 1,02% artaraq 3 808,80 bənd, Hang Seng indeksi 1,38% artaraq 26 306,55 bənd, CSI 300 indeksi 0,90% artaraq 4 727,38 bənd təşkil edib. S&P/ASX 200 indeksi isə 0,42% azalaraq 8 941,20 bəndə düşüb, MSCI Asia Pacific indeksi 0,79% artaraq 248,45 bəndə yüksəlib.
Analitiklərə görə, ABŞ-da texnologiya şirkətlərinin (xüsusilə AI və yarımkeçirici sektoru) maliyyə nəticələrinin gözləntiləri üstələməsi Nasdaq və S&P 500 indekslərini yuxarı çəkib, eyni zamanda ABŞ dövlət istiqrazlarının gəlirliliyinin yüksək qalması sənaye və bank sektoruna təzyiq edərək Dow Jones-un azalmasına səbəb olub.
Avropada isə enerji qiymətlərində qeyri-müəyyənlik və zəif sənaye göstəriciləri (xüsusilə Almaniyada istehsalın zəifləməsi) investorların risk iştahını azaldıb və əsas indekslərdə enişə gətirib. Asiya bazarlarında artım Yaponiyada zəif yenin ixracatçı şirkətlərin gəlirlərini artırması, Çində isə hökumətin iqtisadiyyatı dəstəkləyən stimullaşdırıcı addımları ilə bağlı optimizmin güclənməsi ilə izah olunur.
Daha ətraflı məlumat və yeniliklər üçün ain.az saytını izləyin.
