Yüngül çəkidə UFC reytinqində ikinci pillədə qərarlaşan Arman Tsarukyan ABŞ-a uçuş zamanı gözlənilməz qalmaqalın mərkəzinə düşüb.
Publika.az xəbər verir ki, o, güləş liqası RAF-ın turnirində iştirak etmək üçün yola düşərkən reysdən çıxarılıb. Hadisə barədə bloqer Adam Zubayraev məlumat verib.
Onun sözlərinə görə, insident təyyarə qaydalarının pozulması səbəbindən baş verib.
Bildirilir ki, havaya qalxmağa hazırlıq zamanı Tsarukyanın komandasından bir nəfər telefondan istifadə edib, digəri isə masanı açıq saxlayıb ki, bu da təhlükəsizlik qaydalarına ziddir. Nəticədə Tsarukyan və komanda yoldaşı təyyarəni tərk etməyə məcbur edilib.
