Azpost saytından əldə olunan məlumata görə, ain.az məlumat yayır.
Britaniyanın Baş naziri Kir Starmer Londonda baş verən antisemit hücumlar seriyasından dəhşətə gəlib.
“Bu, iyrəncdir və biz buna dözmyəcəyik. Yəhudi icmamıza qarşı hücumlar Britaniyaya qarşı hücumlardır. Küçə patrullarını gücləndiririk və məsul şəxslər tapılıb ədalət mühakiməsinə cəlb olunacaqlar. Bu cinayətkarlar tapılana qədər dayanmayacağıq”, – deyə Britaniya Baş naziri sosial mediada yazıb.
19 aprel gecəsi naməlum şəxslər şimali Londonda, Harrouda sinaqoqa Molotov kokteyli atıblar. Yanğın ciddi ziyan vurmayıb. Bu, bir həftədən az müddət ərzində baş verən üçüncü belə hadisədir. Polisin terrorizmə qarşı mübarizə bölməsi hücumu araşdırır.
Reuters agentliyinin məlumatına görə, İranpərəst Əshab əl-Yameen əl-İslamiyyə qrupu son bir sıra hücumlara görə məsuliyyəti öz üzərinə götürüb.
Tel-Əviv Universitetinin məlumatına görə, Qərb ölkələrində antisemit zorakılıq 2025-ci ildə 30 ildən çox müddətdə ən yüksək səviyyəyə çatıb. Məlumatlara görə, ötən il 20 yəhudi qətlə yetirilib. Almaniyada antisemit cinayətlərin ümumi sayı azalıb, lakin fiziki zorakılıqla birbaşa əlaqəli işlərin sayı dəyişməz olaraq qalıb. Alman polisi antisemit hücumlarının artmasını birbaşa İsrailin Qəzza zolağındakı hərbi əməliyyatları ilə əlaqələndirir.
AzPost.az
Paylaş
Sonrakı hadisələr barədə daha çox məlumat almaq üçün ain.az saytını izləyin.
