ain.az, Unikal.az portalından verilən məlumatlara əsaslanaraq xəbər verir.
İranda İsrail kəşfiyyat xidməti "Mossad"la əlaqəli olduğu iddia edilən Məhəmməd Məsum Şahi və Həmid Validi Ali adlı iki vətəndaş edam edilib.
"Unikal" xəbər verir ki, bu barədə İran mətbuatı yazıb.
Məlumata görə, bu şəxslər "Mossad"ın zabitləri ilə kiberməkan vasitəsilə əlaqə saxlayıb və İraqın Kürdüstan Bölgəsinə səyahət edən casus şəbəkəsinin üzvləri olublar: "Onlar terror əməliyyatları və təqib aktları üzrə təlim keçdikdən sonra ölkəyə qayıdıblar.
Terrorçular kiberməkanda təhlükəsiz rabitə qurmaq və fəaliyyət göstərmək, həssas yerlərin dəqiq koordinatlarını marşrutlaşdırmaq, dəqiqləşdirmək və göndərmək, partlayıcı mərmilər, buraxılış qurğuları və onların buraxılış mənbələrini hazırlamaq kimi müxtəlif təlimlər keçiblər. Bir sıra hərbi və ictimai yerləri yandırmaq kimi hərəkətlər edərkən, onlar öz hərəkətlərinin görüntülərini "Sar-e-Pul"a göndərib və kriptovalyuta şəklində vəsait alıblar".
Məhkəmə işi yekunlaşdıqdan və təqsirləndirilən şəxslərin və onların vəkillərinin müdafiəsi dinləndikdən sonra, mövcud sənədlərə, dəlillərə və məhkəmə icraçılarının hesabatlarına əsasən Məhəmməd Məsum Şahi və Həmid Validi edam cəzasına məhkum olunublar.
Hüquqi prosedurlardan keçdikdən və təqsirləndirilən şəxslərin apelyasiya şikayəti rədd edildikdən sonra, onların ölüm hökmü bu səhər icra edilib.
Ağarza Elçinoğlu
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
