Mossad, Şin Bet (Şabak və ya digər adıyla Şin Bet İsrailin daxili təhlükəsizliyini təmin edən xüsusi xidmət orqanıdır. Bu qurum ölkə daxilində və işğal olunmuş ərazilərdə kəşfiyyat, əks-kəşfiyyat və terrorla mübarizə fəaliyyətləri ilə məşğul olur red.) və İsrail Müdafiə Qüvvələrinin birgə əməliyyatı nəticəsində İslam İnqilabı Keşikçiləri Korpusunun (SEPAH) tərkibində yüksək vəzifəli İsrail rəsmilərinə sui-qəsd etmək, dünya üzrə strateji obyektlərə, İsrail limanlarına və gəmilərinə hücum etmək üzrə ixtisaslaşmış gizli xüsusi təyinatlı qüvvələr bölməsinin daxili strukturu aşkarlanıb.
“Cebheinfo.az” xəbər verir ki, bu barədə israelinfo yazıb.
Bu məlumatın yayılmasına İranla müharibə zamanı şəbəkənin əsas üzvlərinin genişmiqyaslı şəkildə məhv edilməsindən sonra icazə verilib və İsrailin beynəlxalq tərəfdaşları şəbəkə üzvlərinin bir sıra həbslər həyata keçirib.
Qrupun fəaliyyətinin ən səs-küylü hadisələrindən biri Azərbaycanda təxribat cəhdi olub:
“Bir neçə həftə əvvəl yerli hakimiyyət orqanları strateji Bakı-Tbilisi-Ceyhan neft kəmərini hədəf alan bir qrupu zərərsizləşdiriblər. Sənaye obyektindən əlavə, terrorçular Bakıdakı İsrail səfirliyinə, yerli sinaqoqa və Azərbaycandakı yəhudi icmasının liderlərinə hücumlar planlaşdırırdılar”.
Terrorçuların həbsi zamanı onlardan kamikaze dronları və partlayıcı qurğular müsadirə edilib. İstintaq müəyyən edib ki, qrup birbaşa Tehrandan əmr alaraq hədəflərin yaxından fiziki müşahidəsi və foto çəkilişləri aparıb.
İsrail kəşfiyyat orqanları gizli mexanizmin idarəetmə zəncirini tədricən bərpa ediblər və onların bir çox halqaları artıq məhv olunub.
Onlardan biri də Rəhman Müqəddəm olub. O, gizli aparatın və Xüsusi Əməliyyatlar Bölməsinin (4000-ci Bölmə) rəhbəri olub. O, İrandan kənara terrorizm ixracına və İsrailə yüksək texnologiyalı silahların qaçaqmalçılığına görə məsuliyyət daşıyıb. Müqəddəm SEPAH-ın kəşfiyyat rəisi Məcid Xademinin (öldürülüb) birbaşa himayəsi altında hərəkət edib.
Xademi aparatın rəhbəri kimi son illərdə dünyada terror fəaliyyətlərini təşviq edib. Bu fəaliyyətlərə İsrailin siyasi rəhbərliyi və təhlükəsizlik qüvvələri, eləcə də İsraildə və dünyanın hər yerində hərbi qurğular (İsrail və Qərb), limanları və İsrail gəmiləri haqqında kəşfiyyat məlumatları toplamaq üçün İranda və xaricdə əməliyyatçıların işə götürülməsi və təlimləndirilməsi daxil idi.
Möhsün Suri (öldürülüb) – 4000-ci Bölmənin aparıcı əməliyyatçısı olub. O, yerli hücrələrə məlumat vermək üçün şəxsən xaricə səyahət edib. Suri Mossad və Şin Bet arasında birgə səylər nəticəsində təhlükəsiz yer kimi seçdiyi evdə öldürülüb.
"Doktor" ləqəbli Mehdi Yeke-Dehkan Avropa və Azərbaycandakı əməliyyatlara nəzarət edib. Onun adı kəşfiyyat hesabatlarında 2026-cı ilin yanvar ayında, intiharçı dronların Kiprə daşınması və İncirlikdəki Amerika hava bazasının müşahidəsi cəhdinin Türkiyədə qarşısı alındığı zaman ortaya çıxıb.
Bundan başqa, Doktorun qrupu Adanadakı Amerika İncirlik Hava Bazasına ciddi maraq göstərib. Bu hadisələr, Azərbaycan vətəndaşlarının İsrail və Qərb hərbi bazaları haqqında məlumat toplayarkən Kipr və Kritdə saxlanıldığı "Şir kimi insanlar" Əməliyyatını (iyun 2025) əhatə etdirir.
İsrail təhlükəsizlik rəsmiləri birgə bəyanatda vurğulayıblar ki, SEPAH-ın infrastrukturunun və rəhbərliyinin sistematik şəkildə məhv edilməsi Tehranı bu vasitələrdən məhrum edir:
"İran təhdidlərini neytrallaşdırmaq üçün beynəlxalq kəşfiyyat icmaları ilə birgə iş tam gücü ilə davam edəcək".
