Ayna portalından əldə olunan məlumata əsasən, ain.az xəbər verir.
Yeni Macarıstan hökumətinin 16 naziri olacaq - hazırkı nazirlikdən beş nazirlik çox
Yeni Macarıstan hökumətinin 16 naziri olacaq - hazırkı nazirlikdən beş nazirlik çox. AYNA.AZ xarici mediaya istinadən bildirir ki, bu barədə may ayının əvvəlində Viktor Orbanın yerinə Baş nazir təyin olunacaq “Tisza” Partiyasının lideri Peter Madyar məlumat verib.
O hökumət strukturunu və nazir namizədlərini “Tisza” fraksiyasının gələcək üzvlərinə təqdim etdiyini bildirib.
““Tisza” hökumətinin 16 naziri olması gözlənilir", - Madyar milli televiziya ilə yayımlanan video müraciətində bildirib.
“Tisza” lideri tezliklə gələcək kabinet üzvlərinin adlarını dərc edəcəyinə söz verib, lakin onlar artıq yaxşı tanınırlar. Macarıstan mediasının məlumatına görə, 51 yaşlı Anita Orban xarici işlər naziri vəzifəsinə yeganə namizəddir. O əvvəllər Macarıstan Xarici İşlər Nazirliyində çalışıb və xüsusi tapşırıqlar üzrə səfir kimi enerji təhlükəsizliyi məsələlərinə diqqət yetirib, Rusiya neft və qazından asılılığı aradan qaldırmağa çalışıb. “Tisza” Partiyasının xarici siyasət müşaviri olmazdan əvvəl o Londonda böyük telekommunikasiya şirkəti olan “Vodafone”da yüksək vəzifə tutub.
Sonrakı hadisələr barədə daha çox məlumat almaq üçün ain.az saytını izləyin.
