ain.az xəbər verir, Demokrat.az saytına əsaslanaraq.
Səhər yeməyinin ənənəvi qidaları olan zeytun və pendir bəzən orqanizm üçün ciddi sınağa çevrilə bilir. Xüsusilə duzlu növlərin birgə istifadəsi sağlamlıq üçün gözlənilməz fəsadlar yaradır.Demokrat.az xəbər verir ki, fermentləşdirilmiş qidalar qrupuna daxil olan bu iki məhsulun istehsalında istifadə edilən həddindən artıq duz miqdarı narahatlıq doğurur. Ənənəvi üsulla hazırlanan salamura zeytunlar və bərk pendirlər yüksək sodyum ehtiyatına malikdir.Bu qidaların eyni vaxtda və nəzarətsiz qəbulu arterial təzyiqin qəfil yüksəlməsinə şərait yaradır. Eyni zamanda bədəndə suyun toplanması nəticəsində ödemlər yaranır. Böyrək problemi olanlar və hipertoniyadan əziyyət çəkənlər üçün bu birlik əsl "duz bombası" hesab olunur. Səhər yeməyindən sonra yaranan güclü susuzluq hissi isə bədənin həddindən artıq sodyum yükünə qarşı verdiyi reaksiya kimi qiymətləndirilir.Məsələ ilə bağlı çıxış yollarını nəzərdən keçirən mütəxəssislər bu qidaları süfrədən tamamilə yox etmək əvəzinə, daha düzgün qaydada istehlak etməyi tövsiyə edirlər. Bunun üçün zeytunları yeməzdən əvvəl bir müddət suda saxlayaraq artıq duzdan təmizləmək mümkündür. Həmçinin pendir çox duzludursa, yanındakı zeytunun az duzlu və ya quru duzlama növü olmasına diqqət yetirilməlidir. Digər vacib məqam isə süfrədə cəfəri, kərəviz və ya şüyüd kimi göyərtilərə yer ayırmaqdır. Bu bitkilərin tərkibindəki kalium sodyumun bədəndəki mənfi təsirlərini minimuma endirməyə kömək edir.Yəni, sevdiyiniz səhər təamlarını tamamilə kənara qoymaq lazım deyil, sadəcə onları duzdan təmizləyərək və yaşıl tərəvəzlərlə balanslaşdıraraq yemək daha faydalıdır.İsmayıl
Demokrat.az
Daha ətraflı məlumat və yeniliklər üçün ain.az saytını izləyin.
