Demokrat.az portalından verilən məlumata əsasən, ain.az bildirir.
Evinizdə gözlənilməz "qonaqların", yəni qarışqaların peyda olması hər kəsi narahat edən məsələlərdəndir. Bir çox hallarda bahalı və zərərli kimyəvi maddələrə əl atsaq da, mətbəximizdəki sadə bir ədviyyatla onları həmişəlik uzaqlaşdırmaq mümkündür.Demokrat.az xəbər verir ki, qapı və pəncərə kənarlarına səpilən darçın qarışqalar üçün keçilməz bir maneəyə çevrilir. Bu həşəratlar qida axtarışına çıxarkən və yuvalarına qayıdarkən xüsusi kimyəvi izlərdən istifadə edirlər. Darçının kəskin və özünəməxsus qoxusu həmin izləri tamamilə itirir və qarışqaların ünsiyyət zəncirini qırır. Nəticədə istiqaməti itirən və ərazini təhlükəli hesab edən həşəratlar evinizi tərk etməyə məcbur olur.Bu üsuldan maksimum səmərə almaq üçün darçını qarışqaların evə daxil ola biləcəyi nöqtələrə – qapı astanalarına, pəncərə altlıqlarına və divardakı kiçik yarıqlara səpmək lazımdır. Daha qalıcı və təsirli nəticə üçün darçını az miqdarda su ilə qarışdırıb həmin nahiyələrə çəkmək də olar. Bu, ətirli qoxunun daha geniş sahəyə yayılmasını təmin edəcək.Təbii üsullar effektiv olsa da, əsas şərt evdəki ümumi təmizliyə diqqət yetirməkdir. Yemək qalıqlarını açıqda qoymamaq, qırıntıları dərhal təmizləmək və zibil qablarını dezinfeksiya etmək qarışqaların geri qayıtma ehtimalını minimuma endirir. Darçın həm uşaqlar, həm də ev heyvanları üçün tamamilə təhlükəsiz olduğundan, onu kimyəvi preparatlara ən yaxşı alternativ saymaq olar.Yəni, evə dolan qarışqaları öldürmədən, sadəcə darçın qoxusu ilə onların "naviqasiya" sistemini pozub ərazidən uzaqlaşdıra bilərsiniz.İsmayıl
Demokrat.az
Daha ətraflı məlumat və yeniliklər üçün ain.az saytını izləyin.
