Oxumeni.az portalından əldə olunan məlumata əsasən, ain.az xəbər verir.
Hərtərəfli Strateji Tərəfdaşlıq: Rusiya KXDR-dən hərbi yardım istəməkdə davam edir
Rusiya Daxili İşlər Naziri Vladimir Kolokoltsev Şimali Koreya hökumət rəsmiləri ilə danışıqlar aparmaq niyyətində olduğu işgüzar səfərlə Pxenyana gəlib. Bu barədə Rusiya Xarici İşlər Nazirliyi məlumat verib.
KXDR-də olduğu müddətdə bir sıra işgüzar görüşlər, o cümlədən Şimali Koreyanın İctimai Təhlükəsizlik Naziri Pan Du Sub ilə danışıqlar planlaşdırılır. Terrorçu ölkənin agentliyinin məlumatına görə, əsas müzakirə mövzusu hərbi və hüquq-mühafizə sahəsində əməkdaşlıq olacaq.
Rəsmi danışıqlarla yanaşı, səfər proqramına anım tədbirlərində iştirak da daxildir.
Qeyd etmək lazımdır ki, Şimali Koreya Ukraynaya tammiqyaslı işğalın başlanğıcından bəri Rusiya ordusuna artilleriya sursatının əsas tədarükçülərindən biri olub. Dəniz və dəmir yolu vasitəsilə milyonlarla sursat daşınıb.
Xatırladaq ki, 2024-cü ildə Şimali Koreya lideri Kim Çen In Şimali Koreya ilə Rusiya arasında "hərtərəfli strateji tərəfdaşlıq" müqaviləsini təsdiqləyib.
Əziz MUSTAFA
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
