Hipertoniya əleyhinə həblərin qəbulu ilə bağlı həkim tövsiyələrinə əməl edilməməsi infarkt və insult riskini əhəmiyyətli dərəcədə - təxminən 1.5–2 dəfə artırır.
Publika.az xəbər verir ki, bu barədə Qazeta.ru-ya Rusiya Elmlər Akademiyasının akademiki, Almazov adına Milli Tibbi Tədqiqat Mərkəzinin elmi işlər üzrə baş direktor müavini Aleksandra Konradi məlumat verib.
"Hipertoniyanın müalicəsinə aşağı sadiqlik fəsadların yaranma riskini ciddi şəkildə artırır. Bu, müstəqil bir risk faktorudur, buna görə də biz müalicə rejiminə riayət olunmasına xüsusi diqqət yetiririk. Bütün şəraitləri yaratmaq olar: klinik tövsiyələr hazırlamaq, xəstəxanalar tikmək, həkimləri hazırlamaq və pasiyentləri güzəştli dərmanlarla təmin etmək. Lakin dərmanlar lazımi qaydada qəbul edilmirsə, bütün səylər mənasını itirir. Həkim tərəfindən yazılmış hər bir həbin qəbul edilməsi vacibdir", - deyə həkim qeyd edib.
Hipertoniyanın müalicəsinə aşağı sadiqlik pasiyentin arterial təzyiqin tənzimlənməsi üçün nəzərdə tutulmuş preparatların qəbul rejimini pozmasıdır ki, bu da təzyiqin nəzarətdən çıxmasına və ürək-damar fəsadlarının artmasına səbəb olur.
