Aİ səfirləri Macarıstan və Slovakiyanın vetonu aradan qaldırmasından sonra Kiyevə 90 milyard avro həcmində maliyyələşməni və Rusiyaya qarşı 20-ci sanksiya paketini təsdiqləyiblər. Bu barədə Brüsseldə jurnalistlərə Aİ Şurasına sədrlik edən Kiprin nümayəndəsi məlumat verib.
“Səfirlər Kiyev üçün 90 milyard avro kredit və Rusiyaya qarşı 20-ci sanksiya paketini təsdiqləyiblər”, — deyə sədrliyin açıqlamasında bildirilir.
Bundan əvvəl Ukrayna üzərindən “Drujba” neft kəməri ilə Rusiyanın neftinin Macarıstan və Slovakiyaya tranzitinin bərpası barədə məlumat yayılmışdı. Bu, fevraldan etibarən həmin iki ölkənin hər iki məsələ üzrə vetonu aradan qaldırması üçün əsas şərt idi.
