Mirel Radoy – “Qaziantep”in yeni baş məşqçisi

Rumıniyalı futbol mütəxəssisi Mirel Radoy Türkiyə Super Liqasında mübarizə aparan “Qaziantep” komandasının baş məşqçisi təyin edilib.

Arena.az xəbər verir ki, bu barədə sözügedən klubun rəsmi saytı məlumat yayıb.

Super Liqa təmsilçisini son olaraq Burak Yılmaz çalışdırırdı. Lakin o, “Rizəspor”a 1:2 hesabıyla uduzduqları qarşılaşmadan sonra öz istəyi ilə vəzifəsindən ayrılmışdı.

Burak Yılmaz 2025-ci ilin dekabrında “Qaziantep”in baş məşqçisi təyin edilmişdi. O, bu komandanı 16 oyuna çıxarıb, 4 qələbə, 5 heç-heçə və 7 məğlubiyyət görüb.

40 yaşlı mütəxəssis daha öncə də “Qaziantep”i çalışdırmışdı. O, “Kasımpaşa”, “Kayserispor” kimi komandalarda da baş məşqçi olub, “Beşiktaş”da baş məşqçi əvəzi kimi fəaliyyət göstərib.

Mirel Radoya gəlincə, rumıniyalı mütəxəssislə 2026/2027-ci illər mövsümünün sonuna kimi nəzərdə tutulmuş müqavilə imzalanıb. 45 yaşlı məşqçinin son iş yeri ölkəsində “Styaua” olub. O, məhz ötən gün Super Liqa təmsilçisindən aldığı dəvətə görə Buxarest klubundan ayrılıb.

Radoy daha öncə “Universitatya Krayova”, “Əl-Cəzirə”, “Əl-Bataeh”, “Əl-Tay” kimi komandalarda da baş məşqçi olub. O, Rumıniyanın U-21 və əsas yığmalarını da çalışdırıb.