Rusiya Baş Qərargah rəisi Valeri Qerasimovun Rusiyanın ilin əvvəlindən 1700 kvadrat kilometr ərazi ələ keçirdiyi və Luqansk vilayətini tam işğal etdiyi barədə açıqlamaları hibrid müharibə strategiyasının bir hissəsidir...
Poliqon xəbər verir ki, bu barədə Ukrayna-Rusiya müharibəsi veteranı, ehtiyatda olan mayor Oleksiy Getman Radio NV-nin efirində bildirib.
Onun sözlərinə görə, Gerasimov hibrid müharibə konsepsiyasının müəlliflərindən biridir və informasiya təzyiqi bu müharibədə əsas rol oynayır:
"Bu, Putini aldatmaq üçün deyil - çox sadələşdirilmiş yanaşmadır. Bizim Baş Qərargah bu xəritələri görür. Baş komandan Sırski onların 10–15 kilometr şişirtmə etdiyini deyib. Bu, öz hərbçilərinə hər şeyin yaxşı getdiyini göstərmək üçündür".
O əlavə edib ki, bu cür açıqlamalar həm də ABŞ-a təsir etməyə yönəlib, çünki ABŞ prezidenti Donald Tramp Ukrayna müharibəsi ilə bağlı şərhlərində tez-tez Rusiya mənbələrinə istinad edir. Lakin ekspertin sözlərinə görə, cəbhədə Rusiyanın ciddi uğurları yoxdur.
"Onlar daim gələcək qələbələrdən danışırlar. Yeni hücum əməliyyatına başlayacaqlarını bildirirlər. Amma hazırda cəbhənin demək olar ki, bütün istiqamətlərində vəziyyət sabitdir və biz də əks-hücumlar həyata keçiririk", deyə Getman qeyd edib.
Poliqon.info
