"Meta" korporasiyası işçilərin iş kompüterlərində yeni monitorinq mexanizmləri tətbiq etməyə hazırlaşır. Bu texnologiya düymələrin sıxılmasını, siçan hərəkətlərini izləyəcək və vaxtaşırı displeyin təsvirlərini yaddaşa köçürəcək. Bu addım barədə məlumatlar şirkətin gizli hesabatlarından üzə çıxıb.
İşçilər korporativ şəbəkədə fəaliyyət göstərərkən "Model Qabiliyyəti Təşəbbüsü" adlı layihə aktivləşəcək. Əldə edilən göstəricilər rəqəmsal zəkanın təkmilləşdirilməsinə xidmət edəcək. Əsas niyyət istifadəçilərin proqram elementləri və qısa keçidlərlə qarşılıqlı əlaqəsini əks etdirən canlı baza yaratmaqdır. Şirkət rəhbərliyi iddia edir ki, bu proses kadrların fəaliyyətinə nəzarət üçün deyil, yalnız texnoloji araşdırmalar üçün nəzərdə tutulub.
Ülkər XASPOLADOVA,
“Azərbaycan”
