ain.az, Demokrat.az portalına istinadən məlumat yayır.
Bakı şəhərinin Binəqədi rayonu ərazisində, Azadlıq prospekti ilə Z. Qəmbərov küçəsinin kəsişməsində yerləşən, uzun illər istismarda olmuş iki mərtəbəli yaşayış binalarında söküntü işləri artıq yekunlaşmaq üzrədir. Ərazidə aparılan bu proses yerli sakinlər və ictimaiyyət arasında müəyyən suallar doğurub. Əsas maraq doğuran məqam isə sökülən binaların yerində hansı yeni tikilinin inşa ediləcəyidir.Demokrat.az-ın əldə etdiyi məlumata görə, sözügedən torpaq sahəsi hələ 2016-cı ildə “RELT HOUSE” MMC tərəfindən satın alınıb. Layihəyə əsasən, həmin ərazidə 7 girişdən ibarət olmaqla 16, 17 və 18 mərtəbəli çoxmənzilli yaşayış binalarının tikintisi planlaşdırılıb. Bu isə ərazinin gələcəkdə daha sıx və müasir yaşayış kompleksinə çevriləcəyini göstərir.Mövzu ilə bağlı Binəqədi Rayon İcra Hakimiyyəti ilə əlaqə saxlanılıb. Qurumdan saytımıza bildirilib ki, konkret tikinti layihələri ilə bağlı qərar və nəzarət onların səlahiyyətlərinə daxil deyil. Bu isə layihənin icrası və nəzarət mexanizmləri ilə bağlı əlavə suallar yaradır.“RELT HOUSE” MMC ilə də əlaqə yaratmağa cəhd etdik. Lakin şirkətin sosial şəbəkə hesablarının 2020-ci ildən etibarən aktiv olmayıb. Səhifədə qeyd olunan əlaqə nömrələrinə edilən zənglər də cavabsız qaldı. Bu isə layihənin hazırkı vəziyyəti, maliyyələşməsi və icra müddəti ilə bağlı qeyri-müəyyənliyi daha da artırır.
Hazırda ərazidə söküntü işlərinin başa çatmaq üzrə olduğu müşahidə edilsə də, növbəti mərhələdə tikinti işlərinə nə zaman başlanacağı və layihənin faktiki olaraq reallaşdırılıb-reallaşdırılmayacağı açıq olaraq qalır.Leyla Turan
Demokrat.az
Sonrakı hadisələr barədə daha çox məlumat almaq üçün ain.az saytını izləyin.
