Avtosfer portalından verilən məlumata əsasən, ain.az bildirir.
Sovet dövründə tikilən avtobus dayanacaqları bu gün də memarlıq baxımından maraq doğuran obyektlər kimi diqqət çəkir.
Avtosfer.az xəbər verir ki, ötən əsrdə sovet ideologiyası şəhər mühitində standartlaşmanı əsas prioritetlərdən biri kimi müəyyən etsə də ucqar və şəhərdən kənar ərazilərdə memarlara daha sərbəst yanaşma imkanı yaradılırdı. Bu isə nəticədə fərqli dizayna malik, qeyri-adi formaları ilə seçilən avtobus dayanacaqlarının yaranmasına səbəb olub.
Mütəxəssislərin fikrincə, post-sovet məkanında geniş yayılmış bu beton pavilyonlar təkcə nəqliyyat infrastrukturu elementi deyil, həm də dövrün estetik baxışlarını əks etdirən memarlıq nümunələridir. Bu dayanacaqlarda tez-tez futuristik formalar, cəsarətli konstruksiyalar və rəngarəng mozaika elementlərinə rast gəlinir.
Qeyd olunur ki, bəzi hallarda bu tikililər yerli mədəniyyətin və regionun xüsusiyyətlərini də özündə əks etdirir. Bu isə onları sadəcə funksional obyekt deyil, eyni zamanda incəsənət nümunəsinə çevirir.
Bu gün bir çox belə dayanacaq baxımsız vəziyyətdə qalsa da, onların qorunması və bərpası ilə bağlı çağırışlar artır. Ekspertlər hesab edir ki, sovet dövrünün bu qeyri-adi avtobus dayanacaqları həm turizm potensialı, həm də memarlıq irsinin qorunması baxımından əhəmiyyətli hesab olunmalıdır.
Eltac Zülfüqaroğlu
Ən son xəbərləri və yenilikləri almaq üçün ain.az saytını izləyin.
