Çadda su mənbəyinə çıxış uğrunda iki ailə arasında baş verən qarşıdurma nəticəsində 40-dan çox insan ölüb.
“Cebheinfo.az” “Tchadinfos”-ə istinadən xəbər verir ki, Çadın şərqində baş verən zorakılıq hadisəsində ən azı 42 nəfər ölüb, 10 nəfər yaralanıb.
Baş nazirin müavini Liman Mahamatın sözlərinə görə, bu zorakılıq "klassik icma toqquşmaları" ilə əlaqəli deyil, daha geniş ərazidə qisas hərəkətlərinə çevrilən su mənbəyi uğrunda iki ailə arasında baş verən mübahisənin nəticəsidir.
Qeyd olunur ki, Prezident Mahamat İdris Déby Itno hadisə yerinə Baş nazirin müavini, Müdafiə naziri və Baş Qərargah rəisinin də daxil olduğu bir komissiya göndərib.
Çadın Baş nazirinin müavini bildirib ki, ordunun yerləşdirilməsi vəziyyəti nəzarət altına alıb.
Məlumatda qeyd olunur ki, qonşu Sudandan qaçqınların axını fonunda Çadın şərq əyalətlərində resurs çatışmazlığı artır.
