- Bəzən elə hesab edilir ki, aparatla bağlı problem var. Halbuki bu, normal prosesdir. Dinlədikcə, diqqətlə izlədikcə və məzmunu anlamağa çalışdıqca məlumatı qavramaq mümkündür. Hazırda buraxılış imtahanları nəticələrinin yaxşılaşmasını tədris dilində görürük. Amma riyaziyyatda o qədər də sıçrayış yoxdur. Lakin bu sıçrayış xarici dildə var,- DİM sədri qeyd edib.
Dövlət İmtahan Mərkəzinin (DİM) Dövlət dili və xarici dillər üzrə şöbəsinin müdiriKönül Hacıyevaisə bildirib ki, 2021–2022-ci illərdə pandemiya ilə əlaqədar olaraq xarici dillər üzrə açıq tipli tapşırıqların ya ümumiyyətlə tətbiq olunmaması, ya da çox az istifadə edilməsi nəticələrə birbaşa təsir göstərib. Bu dövrdə imtina göstəricilərində fərqli dinamika müşahidə olunub və bu amil sonrakı illərin nəticələri ilə müqayisədə nəzərə alınmalıdır: “Növbəti illərdə açıq sualların tətbiqi genişləndirildikcə, bu tip tapşırıqlara yanaşmada dəyişikliklər baş verib. Əvvəl azalma müşahidə olunsa da, sonrakı mərhələdə açıq tapşırıqların payı artdıqca imtina göstəricilərində də müəyyən artım qeydə alınıb”.
Könül Hacıyeva qeyd edib ki, 2025–2026-cı tədris ilində ilk dəfə olaraq xarici dil üzrə şəkil əsasında hekayə qurmaq tələb edən yazı tapşırığı tətbiq olunub. “Bu yeniliyə şagirdlərin münasibəti ümumilikdə müsbət olub. Baxmayaraq ki, bəzi hallarda imtina edənlərin sayı artsa da, ümumi göstəricilərdə əvvəlki illərlə müqayisədə daha yaxşı nəticələr müşahidə edilib. O, açıq tipli tapşırıqların mərhələli şəkildə artırılmasının şagirdlərin yazı və düşünmə bacarıqlarının daha obyektiv qiymətləndirilməsinə imkan yaratdığını əlavə edib.
