ain.az, Lent az portalına istinadən məlumat verir.
ABŞ prezidenti Donald Tramp bildirir ki, Tehranın təklifi əsas problemləri həll etmir və qalır ciddi boşluqlar qalır.
Lent.az xəbər verir ki, dünya mediası hazırda ən çox İranın “sülh təklifini” və Trampın bu təklifin arxasında qalan riskləri barədə açıqlamasını şərh edir.
Reuters və Fox News-un manşetindən açılan bu mövzuda hazırkı prosesin müharibəyə son qoyacağına şübhə ilə yanaşırlar. Məsələn, ABŞ prezidenti Donald Tramp İranın müharibəni dayandırmaq üçün təqdim etdiyi yeni planı sərt tənqid edib. O, bu təklifdə “ciddi boşluqlar” olduğunu bildirərək, bu planın regionda sabitliyi təmin etmək üçün kifayət etmədiyini vurğulayıb.
Məlumata görə, İran tərəfinin hazırladığı plan mərhələli şəkildə hərbi əməliyyatların dayandırılmasını nəzərdə tutur. Təklifə əsasən, ilk addım kimi atəşkəsin elan olunması, daha sonra isə Hörmüz boğazı üzərindən ticarət və enerji daşımalarının bərpası planlaşdırılır.
Nüvə proqramı əsas mübahisə mövzusudur
Lakin əsas fikir ayrılığı İranın nüvə proqramı ilə bağlıdır. Tehran bu məsələni ilkin razılaşmadan kənarda saxlayaraq sonrakı mərhələdə müzakirə etməyi təklif edir. ABŞ isə bu yanaşmanı qəbuledilməz hesab edir. Vaşinqtonun mövqeyinə görə, İranın nüvə fəaliyyəti regiondakı gərginliyin əsas səbəblərindən biridir və bu məsələ danışıqların başlanğıc mərhələsində həll olunmalıdır. Tramp administrasiyası hesab edir ki, bu mövzu planın mərkəzində yer almadıqca real sülh razılaşması mümkün deyil.
ABŞ: Təklif balanslı deyil
ABŞ rəsmiləri bildirir ki, İranın planında Vaşinqtondan dərhal güzəştlər – xüsusilə dəniz blokadasının aradan qaldırılması – tələb olunur, lakin qarşılığında konkret və hüquqi baxımdan bağlayıcı öhdəliklər təqdim edilmir. Bu isə təklifin balanssız və riskli olduğunu göstərir. Ekspertlərin fikirlərinə görə, Tehran bu yanaşma ilə həm beynəlxalq təzyiqi azaltmağa, həm də vaxt qazanmağa çalışır.
Qlobal təsirlər davam edir
Münaqişənin davam etməsi yalnız regionla məhdudlaşmır. Hörmüz boğazı vasitəsilə həyata keçirilən enerji daşımalarının təhlükə altında olması dünya bazarlarında neft qiymətlərinə birbaşa təsir edir. Analitiklər hesab edir ki, vəziyyət sabitləşmədiyi təqdirdə enerji bazarlarında dalğalanmalar davam edəcək.
Diplomatik çıxış yolu hələ də qeyri-müəyyəndir
Hazırda tərəflər arasında danışıqlar davam etsə də, əsas strateji məsələlər üzrə razılıq əldə olunmayıb. Bu isə yaxın perspektivdə müharibənin tam dayandırılması ehtimalını azaldır.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
