"Mançester Siti" cari mövsümün sonunda futbolçusu Con Stounzla vidalaşacağını açıqlayıb.
Fanat.Az xəbər verir ki, 31 yaşlı müdafiəçi yayda azad agent kimi komandanı tərk edəcək.
Xatırladaq ki, 2016-cı ildən "Mançester Siti"də çıxış edən oyunçu bu mövsüm 13 matçda meydanda olub.
Mənbələrin məlumatına görə, oyunçunun nümayəndələri onun xidmətlərini "Yuventus"a təklif ediblər. Turin klubu tezliklə azad agent ola biləcək 31 yaşlı ingilislə müqavilə bağlamağı planlaşdırır.
