Azərbaycan Memarlıq və İnşaat Universitetində (AzMİU) yanğın baş verib.
Fövqəladə Hallar Nazirliyindən (FHN) bildirilib ki, universitetin həyətində taxta tullantıları yanıb. Yanğın yanğından mühafizə bölmələri tərəfindən qısa müddətdə söndürülüb. Hadisə nəticəsində xəsarət alan olmayıb.
Məsələ ilə bağlı Azərbaycan Memarlıq və İnşaat Universitetindən verilən məlumatda universitetin bir hissəsində yanğın baş verdiyi təsdiqlənib.
"Tələbələrdən xəsarət alan yoxdur", deyə universitetin rəsmi açıqlamasında qeyd olunub.
