Azertag portalından əldə olunan məlumata əsasən, ain.az xəbər verir.
Budapeşt, 29 aprel, AZƏRTAC
“Tisa” partiyasının lideri və Macarıstanın gələcək Baş naziri Peter Macyar Avropa Şurası və Avropa Komissiyasının rəhbərləri ilə danışıqlar aparmaq üçün Brüsselə yola düşüb.
AZƏRTAC “İndeks” nəşrinə istinadla xəbər verir ki, siyasətçinin sözlərinə görə, səfərin məqsədi Macarıstan üçün “dondurulmuş” Aİ fondlarına çıxışın bərpasını müzakirə etməkdir. O, “güclü mandat” aldığını və ölkəyə borclu olan resursların geri qaytarılmasını təmin etmək niyyətində olduğunu vurğulayıb.
Macyarın, həmçinin gələcək xarici işlər naziri Anita Orbanla birlikdə səfərdə olduğu bildirilir.
Hazırda Aİ-nin Macarıstana maliyyələşdirilməsinin əhəmiyyətli bir hissəsi hələ də bloklanıb. Bu, bərpa fondu və birlik fondlarından vəsaitlər də daxil olmaqla təxminən 17 milyard avro təşkil edir.
Brüsseldəki danışıqların yeni hökumətin Aİ qurumları ilə münasibətləri normallaşdırmaq və maliyyələşdirməni açmaq səylərində əsas addım olacağı gözlənilir.
Vüqar Seyidov
AZƏRTAC-ın xüsusi müxbiri
Budapeşt
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
