Çərşənbə günü ABŞ prezidenti Donald Trampla telefon danışığı zamanı Rusiya prezidenti Vladimir Putin Moskvanın 9 May Qələbə Günündə Ukraynada daha bir müvəqqəti atəşkəs rejimi tətbiq etməyə hazır olduğunu bildirib.
Rusiyanın təşəbbüsü ilə keçirilən danışıqlar saat yarımdan çox davam edib və Putinin köməkçisi Yuri Uşakovun sözlərinə görə, "dostcasına, səmimi və işgüzar şəkildə" keçib.
Donald Tramp Oval Ofisdə jurnalistlərə Putinlə söhbətini təsdiqləyib. "Yaxşı söhbətimiz oldu; mən onu uzun müddətdir tanıyıram", - deyə o bildirib. Amerika prezidentinin sözlərinə görə, Rusiya liderinə Ukraynadakı müharibədə "kiçik bir atəşkəs" təklif edən məhz o olub. "Düşünürəm ki, o buna razı ola bilər", - deyə Tramp əlavə edib. Onun sözlərinə görə, söhbət əsasən Ukrayna münaqişəsinə yönəlib.
SAMİRƏ
