ABŞ-də qeyri-adi insident baş verib. Məlumata görə, bir qadın dostunu evdən çıxarılma qərarından qorumaq üçün polis əməkdaşlarına arı pətəkləri ilə müdaxilə edib.
Redaktor.az bu barədə xarici mediaya istinadla xəbər verir.
Hadisə zamanı şerif müavinləri Alton King Jr.-a məxsus, dəyəri təxminən 1,9 milyon dollar olan mülkdən çıxarılma sənədlərini çatdırmaq üçün ünvana gəliblər. Həmin anda Rebekka Vuds adlı qadın yük maşını ilə əraziyə yaxınlaşıb və üzərində arı pətəkləri olub.
Qadın arıçı kostyumu geyinərək pətəklərin qapağını açıb. Onun sözlərinə görə, məqsədi onkoloji xəstə olan dostunu və keçmiş qonşusunu evdən çıxarılmadan qorumaq olub. Lakin hadisə nəzarətdən çıxıb: pətəklərin aşması nəticəsində yüzlərlə arı ətrafa yayılaraq polis əməkdaşlarına hücum edib.
Hadisə zamanı polis tərəfindən qadın yerə yıxılıb saxlanılsa da, pətəklərin dağılması vəziyyəti daha da gərginləşdirib.
NURİYYƏ
