ABŞ Ticarət Nazirliyi məlumatlarına görə, ölkə iqtisadiyyatı 2026-cı ilin ilk rübündə 2% artıb. Bloomberg-in sorğusunda iştirak edən iqtisadçıların proqnozu isə 2,3% artım idi.
İqtisadi fəallığın təxminən üçdə ikisini təşkil edən istehlak xərcləri xidmətlərə olan tələbin təsiri ilə 1,6% artıb. Ötən ilin son rübündə bu göstərici 1,9% artım təşkil etmişdi.
Məlumat göstərir ki, Yaxın Şərqdəki münaqişə neft qiymətlərini kəskin artıraraq qlobal təchizat zəncirlərini pozsa da, iqtisadiyyat indiyədək sabitliyini qoruyub. Lakin geosiyasi vəziyyət inflyasiyadan əziyyət çəkən istehlakçıların daha ehtiyatlı davranması halında artım perspektivləri üçün risk yaradır.
ABŞ iqtisadiyyatı 2025-ci ilin dördüncü rübündə 0,5% artım göstərmişdi.
