Bizimyol saytından alınan məlumata görə, ain.az bildirir.
İranın hücumlarından sonra ABŞ-ın hərbi obyektlərinə dəyən ziyanın miqyası peyk görüntüləri ilə təsdiqlənib. Yayımlanan şəkil və videomateriallar regiondakı ABŞ bazalarının infrastrukturuna birbaşa zərbələr endirildiyini və ciddi dağıntıların baş verdiyini göstərir.
Bizimyol.info xəbər verir ki, CNN telekanalı iran raket hücumlarının nəticələrini əks etdirən eksklüziv görüntülər yayımlayıb. Jurnalistlər vizual materialları təhlil edərək angarlar, uçuş-enmə zolaqları və texniki qurğulara dəqiq zərbələrin endirildiyini müəyyən ediblər.
Materialların təhlilinə görə, görüntülərdə partlayış kraterləri və yanmış tikililərin qalıqları aydın görünür. Ekspertlər bildirirlər ki, hücumlar bazaların fəaliyyətini təmin edən əsas infrastruktur obyektlərinə yönəldilib. “Əvvəl və sonra” görüntülərində bəzi tikililərin tamamilə dağıldığı, digərlərinin isə ciddi zədələndiyi müşahidə olunur. Videolar həmçinin göstərir ki, hava hücumundan müdafiə sistemləri bütün raketləri zərərsizləşdirə bilməyib.
Fotoşəkillərin təhlili göstərib ki, İran qüvvələri ABŞ-ın Birləşmiş Ərəb Əmirlikləri, Qətər və İordaniyada yerləşən radar sistemlərini hədəf alıb. Xüsusilə BƏƏ-nin Rüveys bölgəsində yerləşən hərbi obyektlərdə THAAD raketdən müdafiə sisteminin komponentlərinin saxlandığı angarlara zərbələr endirilib. Bu bazada azı üç bina, həmçinin mobil AN/TPY-2 radarlarının yerləşdiyi ərazidə daha dörd obyekt zədələnib.
Ekspertlərin sözlərinə görə, radarların yaxınlığında diametri təxminən dörd metr olan kraterlərin yaranması zərbələrin yüksək dəqiqliklə endirildiyini göstərir. Oxşar dağıntılar İordaniyada və Qətərin Umm-Dahal bazasında da qeydə alınıb, burada erkən xəbərdarlıq sistemlərinə ziyan dəyib. Analitiklər bildirirlər ki, bu tip avadanlıqların məhv edilməsi ABŞ üçün ciddi əməliyyat itkisi sayılır, çünki belə radar sistemlərini qısa müddətdə əvəz etmək mümkün deyil.
Hərbi mütəxəssislər hazırda zərərin xarakterini araşdıraraq həmin bazalarda yerləşən bölmələrin döyüş qabiliyyətini qiymətləndirməyə çalışırlar. Bildirilir ki, yüksək dəqiqlikli peyk texnologiyaları qapalı hərbi ərazilərdə baş verən hadisələrin real mənzərəsini ortaya çıxarmağa imkan verib. Bu görüntülər geniş rezonans doğurub və münaqişənin intensivliyini, həmçinin möhkəmləndirilmiş hərbi bazaların belə raket hücumları qarşısında həssaslığını açıq şəkildə nümayiş etdirib.
Bizimyol.info
Hadisənin gedişatını izləmək üçün ain.az saytında ən son yeniliklərə baxın.
